][يًوٍسًَفْ ــآلُثُنٍيــآآآآنْ ][

#1 07-01-2009

ــآلُثُنٍيــآآآآنْ , ][يًوٍسًَفْ

][يًوٍسًَفْ ــآلُثُنٍيــآآآآنْ ][

السلام عليكم ورحمة الله وبركاته
صبحكم الله بالخير جميعا

موضوعي اليوم عن نجم الكورة السعوديه والخليجيه والعربية الكابتن
يوسف الثنيان

او
ابو يعقوب
ابو ناصر
النمر
الفيلسوف
الدكتور
ساحر المدرجات
اسماء كثيرة اختارها له محبية

يوسف الثنيان

ليس أسطورة الكورة السعوديه فقط ولا الخليجيه فقط بل العربيه وأكثر بعد

ابويعقوب ترك الملاعب
ولكنه لم يترك التاريخ ولم يترك قلوب المعجبين

لا تسعفني ثقافتي الرياضيه ان اتكلم عن يوسف الثنيان حتى اوفية حقة
لان الكلام عن يوسف يحتاج الى مجلدات

بس اختصر موضوعي في مواقف يوسف الثنيان النص كمية

1

في أحد مباريات الهلال مع احد الفرق
طاح وماقام

كان الظهير الأيسر متحمس مررررررررررة
وفي إحدى الكور الثنيانية الشهيرة قام الثنيان بتجاوز اللاعب بسحبة خطيرة ،
وأخينا بالله الظهير الأيسر انسدح على الأرض وعيا يقوم؟؟
الناس تحسبة مصاب

في مباره الهلال مع النصر

دايم ما يتعرض ابو يعقوب للخشونه بكل الطرق من دفاع النصر وخاصه اللاعب مصطفى ادريس
كان مصطفى معروف بالجزار
في كوره لابويعقوب اعاقه فيها مصطفى بخشونه
راح ابو يعقوب للحكم وقاله
ياخي انتبه
تكسير قلنا معليش
وتفال مشيتها
لكن يتفل وهو توه ماكل فصفص لازم تشوفله حل

3

يوسف مع ابراهيم القصيمي
طردة من الإدارة لعيون يوسف

يوسف الثنيان له صديق قريب على قلبه أسمه إبراهيم القصيمي (إداري نادي الرياض السابق )
إبراهيم يحب أبو يعقوب ويموت فية.. قام الأستاذ ماجد الحكير رئيس نادي الرياض
وحط إبراهيم القصيمي ضمن الجهاز الإداري لنادي الرياض في مباراه الرياض مع الهلال
وفي المباراه مررت كورة للثنيان سجل منها ابو يعقوب قول رايق
وانطلق ابو يعقوب بأتجاه إحتياطي الرياض وبالضبط في أتجاه القصيمي
وما كذب إبراهيم خبر.ونقفز فرحان على ابويعقوب ووحظن الثنيان ومن يومهاوإبراهيم
القصيمي ما عتب نادي الرياض

4

في معسكر للمنتخب في الطائف
لقيت سيارتي مبنشرة

طلع الثنيان من المعسكر ويوم بغى يركب سيارته لقى سيارة الطرير مفتوحة والمفتاح عليها
ابو يعقوب ما صدق على الله..خذ سياره وليد الطرير
وراح يقضي اشغاله الخاصه..يوم طلع الطرير ما لقا السياره وعرف ان الثنيان اخذها
ويوم شاف الرجال طول ما جا راح الطرير وبنشر سيارة الثنيان
يوم رجع يوسف اخر الليل لقى سيارتة مبنشره
ودخل على الشباب في المعسكر
لقى الطرير وباقي اللعيبه يحترونه...والشرار يتطاير من عيون الطرير
وصاح في الثنيان :ليش خذت سيارتي؟؟
جاوبه الثنيان بسرعة : والله لقيت سيارتي مبنشره
قلت اروح في سيارتك

5

يوسف مع صالح النعيمة
نهدية لأم صالح

كانت السعوديه فايزه ببطوله وقفهم المذيع هو وصالح
قال المذيع لصالح طبعا بعد ماانتهو من الكلام لمن تهدي هذا الانتصار قال صالح اهديه لامي
رجع المذيع ليوسف قال لمن تهدي الفوز يابويعقوب
قال يوسف اهديه لام صالح

6

ابو ناصر في العيد
عيا يجي شماغي

هذا موقف قاله يوسف بنفسه في مقابله مع مجلة اليمامة في احد ايام العيد ,
وطلبوا منه ان يذكر لهم موقف يرتبط بالعيد
قال يوسف مرة من المرات كنت رايح اصلي العيد وكان ثلاثة ارباعي نوم ,,
وكنت اتثاوب ,, وجيت بحط الشماغ على فمي
واسحب شماغي وعيا يجي معي
وسحبتة بقوه ما دريت الا عقال الي جنبي يتدربى
اثري جالس اسحب شماغ الرجال من الصبح

7

في بطولة لبنان
اول مرة ؟؟؟ اشوف

في تصفيات مربع غرب اسيا والي اقيمت في لبنان
كان تذكرون الملعب الي اقيمت علي التصفيات كان سيء جدا وكله حفر
وحالته حاله وزراعته الله بالخير
عاد بعد إحدى المباريات سأل احد المراسلين ابويعقوب عن رأيه بالملعب ؟
قال ابو يعقوب الصراحه انا اول مره اشوف ملعب مزروع نعناع

8

موقف مع خالد مسعد
ويا كثرها مواقفه مع خالد مسعد بس نكتفي بهذا

كان في مباراة مهمة للمنتخب وكانت المباراه حاسمة يا اما الفوز او الخروج من البطولة
وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح ,
قاله قم قم يا خالد حنا السعوديين ما صحنا علشان تصيح أنت ووجهك

9

مع صالح النعيمة في مواقف النادي
موقف ثاني مع صالح

يقول صالح النعيمه في مقابلة لمجلة فواصل
مره من المرات كنت واقف بسيارتي الجديده عند النادي
ووقف جنبي صدفه يوسف الثنيان ويباركلي بالسياره
ما دريت الا والتفت على الجمهور الي عند النادي وقالهم بصوت عالي
ياشباب انتبهو لسياره صالح .. لحد يسرقها
ترى فيها مليون ريااااااااال

عز الله الي راحت السياره

10

ابو ناصر في حجز الخطوط
من اخوي المشرف في شبكة النمر وعضو مجالس ابو نواف الأخ
( إستهلال الهلال )

هذا أخر موقف سمعته عن يوسف
في إحدى المرات راح يوسف لمكتب الخطوط
يبي يحجز .. المهم اخذ الموظف معلوماته
ويسأل يوسف .. تبي الحجز ذهاب واياب ؟؟
قال له أبو ناصر : لا .. خروج المغلوب

اتمنى يعجبكم
وتحياتي للجميع

_________________________________________

منقووووووووووووووووووووووووووووووووول

DFdW,SsWQtX JJNgEeEkSdJJNNNNkX DF

07-01-2009

هههههههههههه ملعب لبنان ومعسكر الطائف

والله وحشني زمانك يأبو يعقوووووووووووووب

عالموم مشكور أخوي بنرووووووووووح عالموضوع

07-02-2009

ايه والله وحشنى زمانك ()() ابو يعقوب كان اسد الملعب ايه والله
وكل الناس تشهدله فنه اسد

مشكور اخوي االله يعطيك الف عافيه

07-03-2009

ههههههههههههه

تسحيب جوا الملعب وبرا الملعب .

اه يابو يعقوب انت متعة الكره السعوديه انت رونالدينو وميسي زمانك .

مشكووور اخوي على المووضوع الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات